SIFUNDVO 12
Bani Nebungani Neluvelo
1 Thesalonika 2:7, 8
LOKUFANELE UKWENTE: Khuluma ngalokusuka enhlitiyweni ukhombise labakulalele kutsi uyabatsandza futsi ufuna kubasita.
INDLELA YEKUKWENTA:
-
Cabanga ngetilaleli takho. Lungisa indlela locabanga ngayo ngekutsi ukhumbule tinkinga lababhekana nato. Tama kucabanga ngendlela labativa ngayo.
-
Wakhetse kahle emagama lotawasebentisa. Cabanga ngemagama latawubenta bajabule, badvudvuteke futsi bakhutsateke. Ungakhulumi emagama latawubatfukutselisa, futsi ungakhulumi kabi ngebantfu labangesibo boFakazi noma ngaloko labakukholelwako.
-
Khombisa kutsi uyabakhatsalela. Ngelivi lelinemusa nangekumamatseka, khombisa kutsi unebungani neluvelo. Yinake indlela lobukeka ngayo ebusweni.
