BINELÍWAMI 12
Newa isí japi mi nakí echi pagótami
1 Tesalonicenses 2:7, 8
JAPI MI BINEMA: Japalí mi bineri, né sulachí jonsa raʼichá alí newa isí japi mi né bichíwali nakí echi pagótami alí japi mi né bichíwali iʼwírinali.
CHUMI RIKÁ ISIMA
-
Natá echi pagótami jitra japi mi kipúa muchuwi. Natá chúsiá risoa nilia piré echi pagótami japi mi kipúa muchuwi alí chu nilia piré.
-
We aʼlá natá japi mi iyiri animea. Iʼwérili iyá echi pagótami japi mi kipúa muchuwi jiti ku kanílima. Kiti chibi riká raʼichá jiti ke cha nílima; kiti cha riká raʼichá echi pagótami jitra japi ke wichii Jeobá alí echi namuti japi iyiri wichii.
-
Newa isí japi mi a iʼwírinali echi pagótami. We simá riká alí we achíamti raʼichá jiti echi pagótami japi mi kipúa muchuwi mi inema japi riká bilé amigo japi we aʼlá nikuuro.