LISAUN 12
Koʼalia hodi fó kmaan ba ema
1 Tesalónika 2:7, 8
SAIDA MAK ITA PRESIZA HALO: Koʼalia ho sentimentu no hatudu ba rona-naʼin katak Ita hanoin no hakarak ajuda sira.
OINSÁ ATU HALO IDA-NEʼE:
-
Hanoin kona-ba Ita-nia rona-naʼin. Prepara Ita-nia laran hodi hanoin kona-ba problema neʼebé sira hasoru. Koko atu imajina saida mak sira sente.
-
Hili didiʼak liafuan neʼebé Ita uza. Ita-nia liafuan tenke fó kmaan, laran-manas no anima rona-naʼin. Keta temi liafuan neʼebé bele hakanek sira-nia laran, no keta koʼalia hodi hatún ema neʼebé laʼós fiar-naʼin ka hatún sira-nia fiar.
-
Hatudu katak Ita hanoin ema. Liuhusi Ita-nia lian, no dalan neʼebé Ita koʼalia, hatudu ba rona-naʼin katak Ita hanoin duni sira. Se Ita hatudu oin-midar, sira bele haree katak Ita iha interese ba sira.
