వినేవాళ్ల గురించి ఆలోచించండి. వినేవాళ్లు ఏ సమస్యలు ఎదుర్కొంటున్నారో గుర్తుచేసుకొని మీ హృదయాన్ని సిద్ధం చేసుకోండి. వాళ్లకు ఎలా అనిపిస్తుందో ఊహించడానికి ప్రయత్నించండి, అంటే సహానుభూతి చూపించండి.

మీ మాటల్ని జాగ్రత్తగా ఎంచుకోండి. వినేవాళ్లను సేదదీర్చడానికి, ఓదార్చడానికి, ఉత్తేజపర్చడానికి ప్రయత్నించండి. వాళ్లను బాధపెట్టే మాటలు ఉపయోగించకండి. సాక్షులుకాని వాళ్లను లేదా వాళ్ల నమ్మకాలను కించపర్చేలా మాట్లాడకండి.

శ్రద్ధ చూపించండి. దయగల స్వరంతో, సరైన సంజ్ఞలతో వినేవాళ్ల మీద మీకు నిజంగా శ్రద్ధ ఉందని చూపించండి. మీ ముఖకవళికల్లో కూడా దాన్ని చూపించండి. తరచూ చిరునవ్వు చిందించండి.