KWAGHHENEN U SHA 12
Lam a Ior Kundu Kundu shi Kav Er I Lu Ve ken Ishima Yô
1 Mbatesalonika 2:7, 8
NGEREN U SAVEN: Lam sha gbenda u tesen er i lu u ken ishima la. Shi tese wer u wa mba u lu lamen a ve la ikyo.
ER U ER KWAGH NE YÔ:
-
Hen sha kwagh u ior mba u lu lamen a ve la. Vande henen sha mbamzeyol mba ve lu tagher a mi la. Nôngo fa er i lu ve ken ishima yô.
-
Lam sha kwaghfan. Lam sha gbenda u a pever mba u lu lamen a ve la iyol shi vea zua a msurshima man agee yô. Palegh u ôron akaa a a na ve ishimavihin a ityôkyaa shio la, shi de lamen dang sha mba ve civir Yehova ga la ga, kua akaa a ve ne jighjigh a mi a ishima i môm la kpaa.
-
Tese wer kwagh ve gba u ishima. Tese mba u lu lamen a ve la wer kwagh ve gba u ishima sha mimi. Er kwagh ne sha u lamen sha ikyenge i kundu kundu shi dughun ave sha inja. De lu sha ishi tsum tsum ga; luun zwa ahan ahan.
