Fakakaukau ki hoʻo kau fanongó. Teuʻi ho lotó ʻaki ʻa hoʻo fakamanatu kiate koe tonu ʻa e ngaahi palopalema ʻoku nau fehangahangai mo iá. Feinga ke ke sioloto atu ki he anga ʻo ʻenau ongoʻí.

Filifili lelei ʻa hoʻo ngaahi leá. Feinga ke hoko ʻo fakaivifoʻou, fakafiemālie mo fakaivimālohiʻi ʻa hoʻo kau fanongó. Fakaʻehiʻehi mei he ngaahi kupuʻi lea ʻe fakaʻitaʻi ʻikai fiemaʻu ai kinautolú, pea ʻoua ʻe lea tuku hifo fekauʻaki mo e kau taʻetuí pe ko e meʻa ʻoku nau tui loto-moʻoni ki aí.

Fakahaaʻi ʻa hoʻo mahuʻingaʻiá. ʻI he tō anga-ʻofa ho leʻó mo e ngaue feʻungamālie ho sinó, fakahaaʻi ki hoʻo kau fanongó ʻokú ke tokanga moʻoni kiate kinautolu. Tokanga ki he fakafōtunga ho matá; ʻai pē mo malimali.