SAMBIRO 12
Mtima Waubwezi na Walusungu
1 Ŵatesalonika 2:7, 8
FUNDO YIKURU: Longorani kuti mwakhwaskika nadi na ivyo mukuyowoya kweniso kuti mukughanaghanira ŵategherezgi ŵinu.
UMO MUNGACHITIRA:
-
Ghanaghanirani ŵategherezgi ŵinu. Para mukunozgekera, ghanaghanirani masuzgo agho ŵategherezgi ŵinu ŵakukumana nagho. Yezgani kughanaghanira umo ŵakujipulikira.
-
Sankhani mazgu mwakwenelera. Yowoyani mwalusungu, mwakupembuzga, kweniso mwakukhozga. Lekani kuyowoya mazgu agho ghangakhuŵazga ŵategherezgi panji kunyoza awo mbambura kugomezga pamoza na vigomezgo vyawo.
-
Longorani kuti mukuŵatemwa ŵategherezgi ŵinu. Umo mukuyowoyera kweniso umo mukuchitira na thupi linu, vingalongora usange mukuŵatemwa ŵategherezgi ŵinu panji yayi. Chisko chinu chikwenera kulongora umo mukujipulikira; mungamwemwetera usange mphakukhumbikwa.
