Тингловчилар ҳақида ўйланг. Улар қандай муаммоларга дуч келаётгани ҳақида ўйлаб қалбингизни тайёрланг. Уларнинг туйғуларини ҳис этишга ҳаракат қилинг.

Сўзларни синчковлик ила танланг. Тингловчиларга далда, тасалли ва куч бахш этадиган сўзларни тайёрланг. Уларнинг кўнглига оғир ботиши мумкин бўлган сўзларни ишлатманг ва Яҳовага топинмайдиган кишиларнинг чин қалбдан ишонадиган эътиқоди ҳақида салбий гапирманг.

Қизиқиш кўрсатинг. Овоз оҳанги ва ўринли имо-ишоралар ёрдамида тингловчиларга улар ҳақида қайғураётганингизни кўрсатинг. Юз ифодаларига ҳам эътибор беринг; тез-тез табассум қилинг.