NGUDO 12
Vhuthu Na U Pfela Vhuṱungu
1 Vhathesalonika 2:7, 8
MANWELEDZO: Sumbedzani vhathetshelesi vhaṋu uri ni a vha funa nahone ni ṱoḓa u vha thusa.
NḒILA YA U ZWI ITA:
-
Humbulani nga vhathetshelesi vhaṋu. Ḓilugiseleleni nga u humbula nga ha thaidzo dzine vhathetshelesi vhaṋu vha sedzana nadzo. Lingedzani u pfesesa nḓila ine vha ḓipfa ngayo.
-
Khethani zwine na ḓo amba. Homolosani vhathetshelesi vhaṋu, u vha khuthadza na u vha ṱuṱuwedza. Iledzani u khukhulisa vhathetshelesi vhaṋu kana u amba nga lunyadzo kha zwine vha tenda khazwo.
-
Sumbedzani dzangalelo. Sumbedzani vhathetshelesi vhaṋu uri ni na ndavha navho, nga u amba nga ipfi ḽa vhulenda na ṱhonifho. Dzulani ni tshi ṅwethuwa.
