Pensa nele persone. Intanto che te pareci, pensa nei problemi che le persone le infronta e proa pensar come che lore le se sente.

Scoli ben le to parole. Proa incoraiar, consolar e far pi forte le persone con che te parli. No stà mia doperar parole che pol ofenderle. No stà mia parlar mal de quei che no i serve Geovà gnanca de quel che lori i crede.

Mostra che te interessi nele persone. Mostra cola to voce e cola to maniera de far che te preocupi cole persone che le te scolta. Ricòrdate che le spression dela to fàcia le ze importante; par quela no stà desmentegarte de far un soriso.