Hunahunaa an imo mamarati. Andama an imo kasingkasing pinaagi ha paghunahuna han ira inaatubang nga mga problema. Handurawa kon ano an ira inaabat.

Pilia hin maopay an imo mga pulong. Pangalimbasugi nga marepreskohan, maliaw, ngan madasig an imo mamarati. Likyi an mga pulong nga makakainsulto ha ira, ngan ayaw pagyakan kontra ha mga tawo nga diri tumuroo o ha ira gintotoohan.

Magpakita hin interes. Pinaagi hin buotan nga tono han tingog ngan angayan nga pagkompas, ipakita ha imo mamarati nga nagtatagad ka gud ha ira. Magin mahunahunaon ha ekspresyon han imo nawong, ngan hiyom hin agsob.