Tuukulnen tiʼ máaxoʼob uʼuyikech. Utiaʼal a naʼatik bix u yuʼubikubaʼobeʼ tuukulnen tiʼ baʼax ku aktáantkoʼob. Tsʼáaba tu lugaroʼob.

Tukult tubeel baʼax ken a waʼale. Líiʼs u yóol le máaxoʼob uʼuyikechoʼ, muʼukʼaʼankúunt yéetel kiʼimakkúunt u yóoloʼob. Maʼ a waʼalik tʼaanoʼob jeʼel u beetik u kʼuuxiloʼobeʼ wa jeʼel u tsʼáaik naʼatbil a pʼeek le máaxoʼob maʼatech u meyajtikoʼob Jéeobaoʼ.

Eʼes utsil. Utsultʼant le máaxoʼob uʼuyikechoʼ, eʼes kiʼimak a wóol kéen tʼaanakech tu yéeteloʼob yéetel eʼes ta wich a kʼáat a wáantoʼob. Maʼ u tuʼubultech a cheʼej cada wa baʼax súutukil.