Guníʼ ique ca binni cucaadiaga lii. Para ganda guni prepararluʼ ladxidoʼloʼ, naquiiñeʼ guiníʼ íqueluʼ xi guendanagana cadxaagalúcabe ne biʼniʼ stipa pur guxuíʼluluʼ ximodo runi sentírcabe.

Gulí chaahuiʼ ca diidxaʼ ni chiguiniʼluʼ. Biʼniʼ stipa pur guni animarluʼ, quixhedxiluʼ ne cuʼluʼ gana ladxidóʼ cani cucaadiaga lii. Cadi iquiiñeluʼ diidxaʼ ni guchiichi laacabe ne cadi guiniʼluʼ né despreciu de cani qué runi ni ná Jiobá nin de ca creencia stícabe.

Bisihuinni interés. Zanda gúniluʼ ni pa guiniʼluʼ né ti tono de voz galán ne gúniluʼ gestu ni caquiiñeʼ. Laacaʼ guníʼ ique xii nga nuuluʼ gusiidiluʼ né ca gestu stiluʼ; bixidxihuiiniʼ gatigá.