WISIGOPAI 12
Mo Fura Rogo Nyemuse na Nunga
1 ATesaroniko 2:7, 8
MEMEPAI: Mo fura ngba gu gene nayugo gamo nyemuse tipa aboro na nayugo na ni nga mo naida ka undoyo aundo.
WAI KA MANGAHA:
-
Mo berẽpa agu aboro mo afura fuyo. Mo mbakadi kpotoroyo ni tingida mo tiro na agu akpakarapai i agbiaha. Mo asadi ka berãpa gu bipai du yo na ni.
-
Mo siaka gamo afugo ngba wene gene. Mo asadi ka zambuasi yo, ka fu wasa fuyo, na ka ngarasa yo. Ka mo naapenga agu apai rengbe ka imisa yo ya, na ka mo furanga ngba gbegberẽ gene tipa agu aboro adunga na ani rogo idapase yo ya watadu tipa gayo aida ya.
-
Mo yuguhe nga mo naberãpa yo aberã. Mo yuguhe rogo wene afugoro gbiati wene yaka bee nga mo naberãpa yo aberã. Mo du na rubangirise na wai du kpakpuro yo, si du na mongo dedede.
