ISIFUNDO 12
Imfudumalo Nozwela
1 Thesalonika 2:7, 8
OKUFANELE UKWENZE: Khuluma ngokusuka enhliziyweni, ubonise ukuthi unendaba nezilaleli zakho.
INDLELA ONGAKWENZA NGAYO:
-
Cabanga ngezilaleli zakho. Khumbula izinkinga izilaleli zakho ezibhekene nazo ukuze ukwazi ukuzwelana nazo. Zama ukuzifaka ezicathulweni zazo.
-
Wakhethe kahle amagama ozowasebenzisa. Umgomo wakho kufanele kube ukuvuselela, ukududuza nokuqinisa izilaleli zakho. Gwema izinkulumo ezingase ziphoxe izilaleli, futhi ungakhulumi ngokunganaki ngabantu abangakholelwa kuJehova noma ngezinkolelo zabo.
-
Bonisa ukuthi unendaba nezilaleli zakho. Bonisa izilaleli zakho ukuthi unendaba nazo ngokukhuluma ngezwi elinomusa, nangendlela onyakazisa ngayo umzimba wakho. Yiqaphele nendlela onyakazisa ngayo ubuso; momotheka.