Stadi 13
Soemaot Olsem Wanem Blong Yusum Save
Aesea 48:17
?I MINIM WANEM? Givhan long ol man blong oli kasem save olsem wanem samting we yu tokbaot i joen long laef blong olgeta, mo wanem we oli mas mekem blong folem.
?OLSEM WANEM BLONG MEKEM?
-
Tingbaot ol man we yu toktok long olgeta. Tingbaot from wanem oli nidim save ya, mo ol poen we bambae oli givhan moa long olgeta.
-
Oltaem long tok blong yu, soemaot samting we oli mas mekem. Taem yu jes stat, ol man wanwan oli mas luksave se, ‘Tok ya i stret long mi.’ Taem yu stap tokbaot ol bigfala poen, soemaot olsem wanem blong folem long laef blong yumi. Yu tok stret, yu no goraon.
