OKLƆCƐ ƆMƐ 13
Itene Ku Ɛlā Ku Uwɔ Kóō Teyi Peee
Aíita 3:21
ƆDĀ NƐ A CIKA Ō YA: Ta ācɛ nōo yɔ i jahɔ gā uwɔ a abɔ kéē jé ɛgɛ nɛ ɛlā ku uwɔ géē tile ipu oyeeyi ku uwa a, ku a klla mafu lɛ uwa ɔdā néē cika ō ya mla ɔdā néē nwu a.
ƐGƐ NƐ A GÉĒ YA Ɔ A:
-
Gbɛla kwu ācɛ nɛ a gáā kɛla lɛ uwa a. Gbɛla kwu ɔdā nōo ya ɛɛ nɛ ācɛ nōo gáā jahɔ gā uwɔ a cɛgbá ō po ɛlā nɛ a gáā da uwa a, mla ɔdā nōo géē ta uwa abɔ fiyɛ duu a.
-
Jaa gbeeko nɛ a lɛ ɛlā ō ka tɛɛcɛ ku uwɔ ka mɛ, mafu ɔdā nɛ ācɛ nōo yɔ i jahɔ gā uwɔ a cika ō ya. Ŋma ō gbɔɔ ŋmajɛ ku ɛlā ō ka tɛɛcɛ ku uwɔ a, eyeeye ku ācɛ nōo yɔ i jahɔ gā uwɔ a cika ō bēē da iyi uwa kahinii, ‘Ami nɛ ɛlā nyā yɔ i kɛla gā um a.’ Eko duuma nɛ a yɔ i kɛla lɛyikwu ɛlā okpɔcii duuma, mafu ɛgɛ néē géē bi ɔ le yuklɔ. Kɛla lɛ ācɛ nōo yɔ i jahɔ gā uwɔ a bɛɛka a yɔ i kɛla lɛ eyeeye ku uwa a.
