တၢ်မၤလိ ၁၃
ပာ်ဖျါထီၣ်တၢ်ဂ့ၢ်တၢ်ကျိၤၡဲၡဲဒ်သိး ပှၤကသ့ၣ်ညါတၢ်လၢကဘၣ်မၤထွဲဝဲန့ၣ်တက့ၢ်
ယၡါယၤ ၄၈:၁၇
ဘၣ်မၤဒ်လဲၣ်– မၤစၢၤနပှၤဒိကနၣ်တၢ်ဖိတဖၣ် ဒ်သိးအဝဲသ့ၣ် ကနၢ်ပၢၢ်ထီၣ်ဝဲလၢ တၢ်လၢ နသိၣ်လိအီၤတဖၣ်ကကဲဘျုးလၢ အတၢ်အိၣ်မူအပူၤဒ်လဲၣ်န့ၣ်တက့ၢ်. တကးဒံးဘၣ် မၤစၢၤအီၤဒ်သိး ကသ့ၣ်ညါဝဲလၢ တၢ်လၢအမၤလိဘၣ်ဝဲတဖၣ်န့ၣ် ကဘၣ်မၤထွဲဝဲဒ်လဲၣ်န့ၣ်တက့ၢ်.
မၤဒ်အံၤတက့ၢ်–
-
ဆိကမိၣ်ထံ နပှၤဒိကနၣ်တၢ်ဖိ အတၢ်အိၣ်သးတက့ၢ်. ဆိကမိၣ်ထံဘၣ်ဃး ဘၣ်မနုၤအဃိ နပှၤဒိကနၣ်တၢ်ဖိတဖၣ် ကြၢးနၢ်ဟူဘၣ်ဝဲတၢ်ဂ့ၢ်အံၤလဲၣ်. ဒီးဆိကမိၣ်ထံစ့ၢ်ကီးလၢ တၢ်ဂ့ၢ်ဒ်လဲၣ်တဖၣ်န့ၣ် ကကဲဘျူးလၢ အဝဲသ့ၣ်အဂီၢ်လဲၣ်.
-
ဖဲနတၢ်စံၣ်တဲၤတဲလီၤတၢ်အခါ ပာ်ဖျါထီၣ်လၢ နပှၤဒိကနၣ်တၢ်ဖိတဖၣ် ကဘၣ်မၤဝဲဒ်လဲၣ်န့ၣ်တက့ၢ်. ဖဲနစးထီၣ်စံၣ်တဲၤတဲလီၤတၢ်အခါန့ၣ် နပှၤဒိကနၣ်တၢ်ဖိတဖၣ် ကြၢးသ့ၣ်ညါဝဲလၢ ‘တၢ်ဂ့ၢ်လၢ နတဲတဖၣ်န့ၣ် မ့ၢ်လၢအဝဲသ့ၣ်အဂီၢ်လီၤ.’ ဖဲနတဲနၢ်ပၢၢ်တၢ်ဂ့ၢ်မိၢ်ပှၢ်တခါစုာ်စုာ်န့ၣ် ပာ်ဖျါထီၣ်န့ၢ်အဝဲသ့ၣ်လၢ ကဘၣ်မၤထွဲဝဲဒ်လဲၣ်န့ၣ်တက့ၢ်. ၡဲပၠးအီၤလီၤတံၢ်လီၤဆဲးလၢ ကဘၣ်မၤဝဲဒ်လဲၣ်န့ၣ်တက့ၢ်.
