ISAMBILILO 13
Ukulondolola Icete Ivya Kuwomvya Ivyewo
Imilumbe 3:21
IVISINKA VYA KWIZUKA: Yavwani iwumba ukwivwicisya vino ivyewo vino mukulanda viwakumile. Walanjizyani vino wazipizile ukucita pa kuwomvya vino wasambilila.
IVYA KUCITA:
-
Mwakwelenganya pe wano mukulandako. Mwakwelenganya pa mulandu wuno cicindamizile ukuti awantu wivwe, nu kumanya ivyewo vino vingawavwa sana.
-
Pano mukulanda, mwakwavwa iwumba ukumanya ivya kuwomvya ivyewo. Pano mwatalika vye ukulanda, cila muntu mwi wumba azipizile awakwelenganya ukuti, ‘vyo-o ivyewo vyankuma.’ Nga mwalanda pa cisinka icikulu conga, mwalanda na vino wangaciwomvya mu mikaliile yawo. Mutapita mu mbali pa kulanda vino vingawavwa.