Ximoiljui ipan katli mitstlakakiliaj. Ximoiljui kenke katli mitstlakakiliaj moneki kimatisej tlen tikinmachtis uan ximoiljui tlake tlamantli kinpaleuis ipan ininnemilis.

Ipan nochi motlamachtil, xijnexti tlake kinamiki kichiuasej katli mitstlakakiliaj. Kema peuas titlamachtis, katli mitstlakakilisej kinamiki moiljuisej: “¡Ni tlamachtili na nechnamiki!”. Kema tikixtomas se tlamantli tlen tlauel ipati, xikixtoma kenijkatsa kichiuasej ipan ininnemilis. Kuali xikiniljui kenijkatsa uelis kichiuasej.