IKIMANYILO 13
Mubatule Ukukonga Isi Bikumanyila
Isya Mbupingamu 3:21
IFUNDO INYWAMU: Mubatule abandu ukumanya muno isi mukubamanyisya sibaghile ukubatulila pa bumi bwabo kangi mubanangisye isi bikulondiwa ukubomba.
MUNO MUBAGHILE UKUBOMBELA:
-
Mubinong’oneleghe abandu. Manya ukulondiwa kwa nkhani yinu namuno babaghile ukukongela ifundo isi silimo.
-
Mu nkhani yinu yosa mubanangisye muno babaghile ukukongela isi mukuyoba. Ukufuma pabwandilo bwa nkhani yinu, aliwesa mundumbula yake atighi; ‘Isi sibaghile ukundula.’ Pakabalilo kalikosa aka mukuyoba ifundo inywamu, munangisyeghe muno babaghile ukuyikongela. Musaleghe ifundo isi sibaghile ukubatula.
