Mafaufau ki au tino fakalogo‵logo. Mafaufau ‵loto ki pogai e ‵tau ei o lagona ne au tino fakalogo‵logo a fakamatalaga kolā ka fai atu ne koe, kae onoono ki vaega o tau mataupu kolā ka aoga kae ka fesoasoani malosi ki a latou.

I te taimi e fai ei tau lāuga, fakaasi ki au tino fakalogo‵logo a mea e ‵tau o fai. Mai te kamataga o te lāuga, e ‵tau o iloa ne tino taki tokotasi me, ‘Ka aoga te mea tenei ki a au.’ I te taimi e faipati ei koe ki manatu tāua takitasi, fakaasi atu te auala ke fakagalue ei. Faipati ki se mea e tasi, kae kalo kea‵tea mai te faipati ki mea e uke.