DILONGI 13
Kumonisa bu Kuzingila Mambu Wunlonga
Zingana 3:21
DILONGI: Sadisa batu ba kukuwa bavisa bwidi mambu wunlonga malenda baludila luzingu luawu ayi wuba monisa mbi bafweti vanga mu mambu banlonguka.
MBI WULENDA VANGA:
-
Yindula mu batu wunlonga. Yindula kibila mbi batu ba kukuwa bafweti kuwila mambu wunlonga, ayi tomba kuzaba mambu malutidi nkinza malenda kuba sadisa.
-
Mu dilongi dyaku dyoso, monisa kwidi batu ba kukuwa mambu bafweti vanga. Tona va thononu, kadika mutu kafweti tuba: ‘Mambu amomo mankwiza tsadisa.’ Bo wuntubila kadika dyambu dinkinza, monisa bwidi balenda sadila diawu mu luzingu luawu. Tubila to mambu malutidi nkinza.