KALANSEN 14
Jɛmukan yɔrɔ kolomaw lajɛyali
Heburuw 8:1
BAKURUBAFƆLI: I lamɛnbagaw dɛmɛ u ka i ka jɛmukan kuru bɛɛ lamɛn, ani yɔrɔ kolomaw bɛɛ kelen kelen ni i ka kuntilenna ani i ka barokun bɛ ɲɔgɔn ta cogo min na, o jira ka jɛya.
I BƐ SE KA O KƐ COGO MIN NA:
-
Kuntilenna kɛ i yɛrɛ la. A ɲini k’a don n’i ka jɛmukan kuntilenna ye ka mɔgɔw ladɔnniya, ka u lasɔn, walima ka dusu don u kɔnɔ, o kɔ i ka jɛmukan walawala ka kɛɲɛ ni o ye. I janto a la ko i ka jɛmukan yɔrɔ kolomaw bɛɛ bɛ i dɛmɛ ka i ka kuntilenna dafa.
-
I sinsin i ka jɛmukan barokun kan. I ka jɛmukan sen fɛ, to ka kuma jɛmukan barokun kan i kɛtɔ ka segin barokun daɲɛ kolomaw kan walima i kɛtɔ ka baara kɛ ni daɲɛw ye minnu ni o daɲɛ kolomaw kɔrɔ ye kelen ye.
-
A to i ka jɛmukan yɔrɔ kolomaw ka jɛya ani ka nɔgɔya. Yɔrɔ koloma minnu n’i ka barokun bɛ taa ani i bɛ se ka mɔgɔw kalan minnu na waati dilen kɔnɔ, olu dɔrɔn sugandi. Dan sigi yɔrɔ kolomaw hakɛ la, o yɔrɔ kolomaw bɛɛ kelen kelen jira ka jɛya, olu fɔtɔ, lafiyɛn waati don olu ni ɲɔgɔn cɛ, n’i bɔtɔ don yɔrɔ koloma dɔ la ka taa yɔrɔ koloma wɛrɛ la, kana girin ka o kɛ.
