Ukurilah kai tujun khotbahndu. Lit piga-piga tujun khotbah: mereken informasi, erban kalak tek, ntah ngiahken kalak. Pastikenlah maka pokok utama si ipilihndu nampati kam gelah seh tujun khotbahndu.

Jelaslah ban kai tema khotbahndu. Banlah gelah iinget hadirin tema khotbahndu. Carana, rusurlah gunaken kata kunci arah tema khotbah e.

Banlah pokok-pokok utamana jelas ras sederhana. Pilihlah pokok utama si tuhu-tuhu lit hubungenna ras tema khotbahndu, alu bage banci ipesehndu khotbahndu i bas waktu si nggo itentuken. Ula mbuesa pokok utama si ijelaskenndu. Jelaslah bahas pokok utama si ipilihndu. Adi nggo dung jelaskenndu sada pokok utama, ngadilah kam kentisik, kenca e maka jelaskenndu pokok utama si selanjutna.