Muk kë wïc ba looi yïnɔm. Të guiir yïn rot, kɔŋ jamdu deetic apiɛth ku tïŋ nɔn bïï yen kɔc lɛ̈k awu bï gääm ë kɔc juakic bï riɛl awu bï kɔc dɛɛt puɔ̈th ku tɛ̈ɛ̈n, ka jɔl guiir të bïï yen piɛɛth thïn. Them ba wël thiekiic ŋiɛc luɔ̈ɔ̈i bïï yïn kë piɔ̈ɔ̈c ŋiɛc laaric apiɛth.

Ye nɔm ë jamdu beeric. Ye wël thiekiic wën mat ke nɔm ë jamdu beeriic ë jamdu yic ëbën.

Ye wël thiekiic ŋiɛc laariic kueer wën piɔlic bï deetic. Kuany wël thiekiic wën ë mat ke nɔm ë jam ku alëu ba ke ŋiɛc laariic ë piööcdu yic ë dhaman cï gäm yïn yic. Kuany wël thiekiic wïc ba keek jäämiic ke lik, ye wël thiekiic kä lueel ëtök tök, ku kääcë amääth ku jɔl ke bɛn laariic, ye këdï ye keek mat ke nɔm jam.