Me dua na inaki ni vunau. Dikeva ke inaki ni vunau mo veivakaroti se veiuqeti vei ira na vakarorogo, mo cakava sara. Ena rawa vinaka nomu inaki ke veisemati kei na veitikina bibi.

Vakabibitaka nomu usutu. Lesuva tale tiko na usutu ni nomu ivunau ni o cavuta eso na matavosa bibi se vosa veiwekani.

Matata qai kilai rawarawa. Digitaka ga na tikina bibi e veisemati kei na nomu usutu, me rawa ni maqosa nomu veivakavulici ena loma ni gauna o lesi kina. Me kua sara ni levu na tikina bibi o kauta cake mai, ia me matata ga na kena ivakamacala, cegu vakalailai, me qai veisemati vinaka na tikina bibi kece.