Ié nu eo sẹẹ̀a sĩ́. Gbĩ́ gè nyimá kabèè bùlà ea di nvéè o lòbèl dú gè nè kpẹ̀a, ge naa kọọ̀ nen á àgala boo, àbèè ge siè kpóó ló nen, vaá ò téní boo mm̀ sĩ́deè ea é gbááá ló. Mòn kọọ̀ dénè gbò ńkem̀ togó bel ea di m nveè bá nè ni kọ ó láá teá tùlà nú eo sẹẹ̀à sĩ́.

Ló nvèè kà mm̀ togó bel o lòbèl. Olòó ló bel nyòòmà o togó bel tení dú ló gè olòó òòa boo gbò moǹ bel ea nveè kà mm̀ belá àbèè dõòna kà gbò moǹ bel ea tõó dọ̀ áá kà belá.

Naa kọ kà ea di m á õ̀òa tẽ́ vaá valí bá gè dã̀. Sà kà lèlà gbò gá ea ló bel ea gbááá ló o togó bel vaá á dú ní eo é láá palàge noòmà mm̀ kélè dẽè tṍó e bà né ni. Dũ̀ùnà bá lọl ló gã́bug gá eo é ló bel boo, palàge bugi buù kà gbò gáá, sẹ̀ẹ̀à tṍó eo é bã́ boo ńdõòna kà, vaá ò ló naa ní ea é õòa tẽ́ aa boo na gáá dọ boo ńdõòna.