Ek udʼdex dovor. Tujea bhaxonnacho udʼdex mahiti diunk, khatri diunk, vo aiknnareank prernna diunk asa tem zannam za. Ani tea pormonnem to vixoi manddun hadd. Sogle mukhel mudʼde tuzo udʼdex purnn korunk modot korta mhunn khatri kor.

Bhaxonnachea vixoi-acher uzvadd ghal. Bhaxonn ditana tujea vixoi-ant aslolim mukhel utram vo teach ortachim her utram porot-porot sangon tuzo vixoi aiknnareanchea ugddasak hadd.

Tuje mukhel mudʼde spoxtt ani sadea ritin sang. Tujea vixoi-ak lagta toslech mukhel mudʼde vinchun kadd, je tunvem tuka dilolea vella bhitor bore bhaxen soddoun xikounk zata. Chodd mukhel mudʼde gheum naka. Dor ek mudʼdo spoxtt ritin sang, fuddlea mudʼdeacher voiche poilim matso rav. Hea ritin ek ek mudʼdo xikoun fuddem sor.