Kara nondando. Ripurira kehungi roye kutja mari sokuyandja ondjivisiro uriri, mari sokurundurura omeripura wovapuratene, poo mari sokuhinga ovapuratene voye okutjita otjiṋa, okuzambo u yandje momuano mbu mau hitasana nondando ndjo. Ungurisa omapu aehe omananḓengu mehungi roye okuyenenisa ondando yehungi roye.

Ṋunisa epu rehungi roye. Momakayendero wehungi roye, tamuna epu rehungi mokuyarukira po omambo omananḓengu mepu rehungi poo nge nomaheero yemwe.

Kondja kutja omapu omananḓengu ye zuvake oukahu. Toorora omapu omananḓengu porwawo ngu maye tjama nepu rehungi roye, nu ngu mo yenene okuhonga nawa moruveze ndu wa pewa. O hungirire komapu omengi, ṋunisa epu arihe nawa, hekana pokati komapu, nu hungirira kepu rimwe nawa amoo i ku rarwe.