Manyani cino mukulonda awantu wasambilile. Mufwile ukumanya nga ca kuti ilyasi walipekanizizye ukumanyisya vye iwumba, ukulenga lisinincizye vimwi nanti ukucitapo cimwi swinya muzipizile ukulilanda ukulingana na vino walipekinye. Womvyani ivisinka vikulu pa kulondolola icete cino mukulonda awantu wasambilile.

Mwalanda sana pa mutwe wi lyasi. Mwalanda sana pa mutwe wi lyasi ukupitila mu kunyocezyapo amazwi yano yakulanda pa mutwe nanti yano yakolineko.

Lekani awa mwi wumba wakwizuka ivisinka vikulu. Solanimo ivisinka vikulu vino vilemenkine na cino cikulandwapo swinya vino mumanyile ukuti mwandi mukwanisye ukuvilanda ukulingana ni mpindi yino mupilwe. Mutazipizile ukuvuzyanya ivisinka lelo vifwile ukuwa vye iviyane swinya mufwile ukupuzako pano mutani muye kwe cinji.