BÍHOOʼAAH 14
Íiyisíí Áhyiłnínígíí Ííshjání Ádanileʼ
Hebrews 8:1
SUMMARY: Daníistsʼą́ʼígíí hazhóʼó naʼnítin yikʼidaʼdidootı̨́įłgo bił chʼíhodííʼááł. (Bee naʼnítinii yikʼidaʼdidootı̨́įłgi hazhóʼó bił chʼídííʼááł.) Áádóó baa hólneʼígíí dóó ílı̨́įgo baa chʼídahwiistʼánígíí, éí haitʼéego ahídéétʼiʼgo tʼáá bééhózínígo bá ádíílííł.
DÍÍ ÁTʼÉEGO ÁDÍÍLÍÍŁ:
-
Naʼnítin bikʼidiʼdootı̨́įłgo bíká ánítʼı̨́į doo. Baa ahoʼninilneʼígíí éísh tʼóó ił halneʼ átʼé, haneʼ yił lą́ adoołeełígíí daatsʼí, doodaiiʼ haneʼ bidíʼyoołnáałgo daatsʼí, díí ádaatʼéhígíí baa nitsíníkeesgo bee nidíníítʼı̨́ı̨́łígíí hashtʼe díílííł. Áko íiyisíí baa chʼídahwiisíníʼánígíí choiníłʼı̨́įgo éí naʼnítin bikʼidiʼdootı̨́įłgo bíká ánítʼínígíí łaʼ díílííł.
-
Nahólneʼgo tʼáá íiyisíí bikʼidaʼdidootı̨́łígíí ííshjání íínísin. Nahólneʼgo tʼáá íiyisíí baa hólneʼígíí bitsʼą́ą́dóó bikʼidiʼdootı̨́įłgo díkwíidida ałkééʼ baa chʼínááhodííʼááł.
-
Íiyisíí áhyiłníigo bee naʼnítinígíí doo nantłʼagóó ííshjánígo íínísin. Baa hólneʼígíí éí íiyisíí nitheme bídadéétʼiʼígíí tʼéiyá baa chʼíhodííʼááł. Íiyisíí áhyiłnínígíí tʼáá díkwííhígo baa chʼíhodííʼááł. Ákótʼéego hólneʼgo doo biláahgo ádíiłkił da.
