PUNTO 14
Mas valij iyaigunara ali intindichi
Hebreos 8:1
IYARI: Canda uyajcunara yanapai can yachachishcara uyana catinuchu, shinallara mas valij iyaiguna temahua can intindichina munashcahua imasna pariju ashcara ricuchi.
CASNA RURAI
-
Can intindichina munashcara ricuchi. Can yachachishcahua ima rurana munashcara iyari: cuintana, intindichina, shinzhiyachina, huasha chita iyarisha purunturi. Tucui valij iyaiguna canda yanapana an can munashcara pactachingaj.
-
Temara ali intindichi. Can yachachiushcai, mas valij iyaigunara cuti cuti rimasha canda uyajcunara yanapai mas valij yachachishcaunara iyarinuchu.
-
Mas valij iyaigunara ahualla shimiunahua intindichi. Mas valij iyaigunallara ajllai temahua pariju achu, chita timpu mana pasasha yachachi. Ansa valij iyaigunallara ajllasha pasajta yachachi. Shu iyaimanda shujma pasangaj shu ratu shayari cuti rimasha callaringaj.
