Нека овел тут цел. Размислин дали е говорескири цел тани те информиринел, те уверинел или те поттикнинел е манушен со ка шунен тут хем спрема адава кер тло говор. Са о главна мисле ваљани те поможинен туке те успејне ко адава.

Истакнин и тема е говорескири. Џикоте икереа о говор, истакнин и тема адалеа со ка повторине несаве главна лафија таро говор.

Вакер о главна мисле ко јасно хем едноставно начин. Бирин сар главна мисле само адала сој тане поврзиме е темаја хем кола со шај шукар те објаснине лен ко време сој туке дендо. Ма те овен тут бут асавке главна мисле, јасно вакер секоја јекх лендар, кер тикни пауза англедер те вакере и јавер хем похари џа тари јекх главно мисла ки јавер.