Boga tujuan. Pikirkeun naha tujuan hutbah Sadérék téh pikeun méré informasi, ngayakinkeun, atawa ngajurung batur. Tuluy, susun hutbah Sadérék dumasar kana tujuan éta. Pastikeun kabéh topik utamana ngadukung tujuan hutbah.

Tandeskeun téma hutbah Sadérék. Salila hutbah, ingetkeun hadirin kana téma hutbah ku cara nyebutkeun deui kecap koncina atawa kecap nu sarua hartina.

Topik utama kudu jelas jeung saderhana. Pilih topik utama nu aya patalina jeung téma sarta nu bisa ditepikeun kalawan jelas dina waktu nu geus disadiakeun. Ulah loba teuing topik utama sarta jelaskeun sing jéntré unggal topikna. Saacan ngabahas topik séjén, eureun heula sakeudeung, ulah ngadadak ganti topik.