Onga la oyango ɔmɔtshi. Enda kana sawo diayɛ diekɔ l’oyango wa mbewoya dui dimɔtshi, mbetawoya kana dia ntshutshuya ampokami ndo oma laasɔ, ɔmbɔladiɔ lo yoho yɔtɔnɛ l’awui asɔ. Yashikikɛ dia awui tshɛ woleki ohomba wayokokimanyiya dia nkotsha oyango ayɛ.

Tɔtɔmiya ɔtɛ a dui wa sawo diayɛ. L’edja tshɛ katayɔmbɔla sawo diayɛ, kalolɛka tɔtɛkɛta t’ohomba ta l’ɔtɛ a dui kana tikalolɛ lo nkamba la tɔtɛkɛta tokina tele la tɔ kanyi yaamɛ.

Ɔmbɔla awui woleki ohomba lo yoho yokɛma hwe ndo ya wɔdu. Sɔna paka awui woleki ohomba wɔtɔnɛ l’ɔtɛ a dui wa sawo diayɛ ndo wayoyokoka mbetsha dimɛna lo yɛdikɔ ya wonya yakawakɔsɛkɛ. Awui woleki ohomba wahombayɛ mɔmbɔla watongake efula, lembetshiya dui tshɛ dioleki ohomba lo yoho yokɛma hwe, emalaka yema lam’asawɔ ndo eta lo yoho ya dimɛna oma lo dui dimɔtshi dioleki ohomba otsha lo dikina.