Wukitudila lukanu. Tomba zaba keni mu disolo diaku diambu dikamba batu muidi, voti di kubasadisa bakikinina, voti di kubavana phuila yisadila mambu ayi kumanima, kubika disolo diaku mu lukanu beni luina. Tomba ti mabanza moso ma mfunu masadisa wudukisa lukanu luina.

Vutukilanga diyindu dimfunu di disolo diaku. Mu thangu wulembo tudi disolo diaku, vutukilanga ziphova zimfunu voti sadilanga ziphova zinkaka mu diambu di tubila dio diawu diambu beni.

Totulanga mayindu ma mfunu mboti mboti ayi mu phila yikembolo phasi. Sobula kaka mabanza ma mfunu mo masimbidi disolo diaku ayi momo wulenda sudikisa bumboti mu tadila thangu baveni. Kadi sobula mabanza ma mfunu mawombo wombo, tubila mu phila yinianguka kadika dibanza beni, vundanga fioti tuamina wuvioka mu dibanza dinkaka, ayi monisanga bumboti ti manisini dibanza dimosi ayi weka mvioka mu dibanza dinkaka.