Sum wakichtʼasim. Kuna toqettï parlkäta uk sumwa yatjjatañama. Ukatjja, Bibliajj uka toqet kamsisa ukwa yatjjatañamaraki. Jukʼa arunakampi ukat fácil amuykañakwa yatichañama. Kunjamsa kuntï siskäta ukajj istʼirinakar yanaptʼani ukwa amuytʼañamaraki. Jehová Diosaruw espíritu santop mayisiñama.

Arunakamampejj jan pächasitam uñachtʼayam. Kuntï arstʼkäta uk liyiñat sipansa, arunakamarjamaw arsuñama. Kuntï siskäta ukajja, jan pächasitamwa uñachtʼayañapa.

Taqe chuym parltʼam. Taqen istʼkañwa parlañama. Jakaskta uka cheqan mayninakar uñtas parlañajj walikïskchi ukhajja, istʼirinakar uñtasaw arstʼañama.