Siesie ɔ wun kpa. Fa ɔ ɲin sie i ndɛ nga á wá yíyí nun’n su kpa, naan w’a wun ndɛ’n i ngbɛsungbɛsu’n i wlɛ kpa. Yɛ wafa nga Biblu’n yi i nglo kɛ ndɛ sɔ’n ti nanwlɛ’n, ɔ fata kɛ a wun i wlɛ kpa wie. Kɛ á yíyí ndɛ cinnjin’m be nun’n, yo maan be wlɛ wunlɛ’n yo pɔpɔ. Wafa nga ndɛ’n ɔ kwla uka ɔ ndɛ tiefuɛ mun’n, fa ɔ ɲin sie su kpa. Srɛ Ɲanmiɛn naan ɔ fɛ i wawɛ’n uka wɔ.

Maan ɔ ijɔlɛ’n, ɔ kle kɛ a lafi ndɛ nga a su kan’n su kpa. Nán nian ndɛ nga be klɛli’n su naan kɛn i tɛɛn guɛ i lɔ. Ijɔ kɛ nga a fa ijɔ titi’n sa. Maan ɔ ijɔlɛ’n kle kɛ a lafi ndɛ nga a su kan’n su.

Tu ɔ klun kan ndɛ’n i weinwein. Maan ɔ ndɛ tiefuɛ’m be ti ndɛ nga a su kan’n i kpa. Yɛ sɛ ɔ nin i fata’n, nian be ɲrun.