Gïganɩ sasɛ -naɲɩ ˈwlu. ˈSaa -n ˈkää bhïla ˈcɩɩ sasɛ -këë, -n ˈkä yɩ ˈmö a dɛsɛkäkïbhï ˈmö ˈnʋ, nzɩ sɛɛ Biblë tulaa nɩɩ gbëaa yɩ kää ˈmö, -n ˈkɩ ˈylɩmö. Dɛsɛkäkïbhï -n -kii zɛmö -sɛɛ yi, sɛ wa bhɛnɩɛ wa ˈkɩ -pa ˈmö ˈnʋʋ, bhïla -sɩbhä. Sɛ yɩ ˈkää ˈyukwlipʋnɩwaa kwänɩ, ˈmö -n nɩ ˈpä dlɩ ˈwʋ. Bhibhe Lagɔ ɔ -kamö ˈɔ ˈwugɔmʋʋ ˈɲɛ.

Wɛlɩkïbhï -yɩ ˈkää tula nɩɩ -n-kä ˈsaa -n -sɛnɩ ˈmö dlɩ ˈwʋ, ghlɛnii ˈmö. ˈBɔgʋʋ -n -suä a ˈyize ˈmö -n nɩ tɩ ˈmö zɛlɩ cuu, maa -naɲɩgäsɛ a sɛ -n bhɛnɩɛ -n ˈkä gbä, ghlɛnii ˈmö. Sɛɛ -n ˈkää bhïla nzɩ -n ˈkä tula nɩɩ ˈsaa -n bhïla, -naˈbhë -n kɩ dlɩ ˈwʋ, bhïla -sɩbhä.

Sɛɛ -n ˈkää bhïla wa ˈkä -naˈa wɛlɩɩ dlɩ ˈtɛɛnɩ, bhïla -sɩbhä. -N -kä bhïla dɔˈwʋ -wʋ, sɛ wa ˈkää ˈnʋ, bhïla -sɩbhä. Yɩ -kä ˈklʋkpamö -kä, yɩlɩ ˈyukwlipʋnɩwa ˈklʋ -n ˈkä ˈmö -sɛnɩ.