KALANSEN 15
A yira ko i lanin b’i ka fɔtaw la
Ɔrɔmukaw 14:14
MIIRIYA JƆNJƆN: A yira ko i lanin b’a la kosɔbɛ ko i be min fɔra o ye tiɲɛn ye ani ko o kɔrɔtanin lo.
A KƐCOGO:
-
I yɛrɛ labɛn ka ɲɛ: I ka kalan basiginin be miiriya minw kan, u sɛgɛsɛgɛ walisa ka hakilinata jɔnjɔnw lɔn ani k’a filɛ cogo min na Bibulu b’a yira k’u ye tiɲɛn ye. A ɲini k’o hakilinata jɔnjɔnw fɔ ni kumaden nɔgɔman damanin dɔrɔn ye. I ka kalan bena i lamɛnbagaw dɛmɛ cogo min na, miiri o la koɲuman. Hakili senu deli Jehova fɛ.
-
Kumaden minw bena mɔgɔw lasun ka la i la, baara kɛ n’olu ye: Kana gafe dɔ ka kumaw ta k’u kalan tigitigi, nka kuma i yɛrɛ kumacogo la. Kuma cogo dɔ la min b’a yira ko i be min fɔra, ele yɛrɛ lanin b’o la.
-
I kɔnɔ gwɛ ka kuma ani a yira ko i lanin b’i ka fɔta la: I kaan kɔrɔta walisa mɔgɔw k’i lamɛn ka ɲɛ. N’a bɛnnin lo mɔgɔw fɛ i sigiyɔrɔ la, i be se k’i lamɛnbagaw ɲɛda filɛ n’i be kumana.