Saamɔ ohe jogbaŋŋ. Kasemɔ wiemɔ lɛ aahu kɛyashi obaanu otii lɛ ashishi, ní obaana bɔ ni Biblia lɛ tsɔɔ faŋŋ akɛ saji nɛɛ ji anɔkwale. Kwɛmɔ akɛ obaanyɛ okɛ wiemɔi fioo ni shishinumɔ waaa atsɔɔ otii lɛ amli lo. Okɛ ojwɛŋmɔ ama bɔ ni otoibolɔi lɛ baaná he sɛɛ lɛ nɔ. Bi Yehowa ni ehã bo mumɔ krɔŋkrɔŋ lɛ.

Wiemɔ bɔ ni baahã ana akɛ oyɛ nɔmimaa yɛ nɔ ni owieɔ lɛ he. Okɛ bo diɛŋtsɛ owiemɔi atsu nii kɛ́ oogbála sane ko ni yɔɔ wolo ko mli lɛ mli, moŋ fe nɔ ni obaawie lɛ bɔ ni aŋma lɛ lɛ pɛpɛɛpɛ. Wiemɔ bɔ ni baahã ana akɛ ole nɔ ni owieɔ lɛ.

Wiemɔ kɛ ekãa, ni ohã ejɛ otsuiŋ. Wó ogbee nɔ bɔ ni sa. Hã ohiŋmɛi ama otoibolɔi lɛ anɔ, kɛ́ nakai feemɔ jeee naagba yɛ he ni oyɔɔ lɛ.