Palàge kpoogá dee ló. Nó tení boo kiẽ́e eo lòbèl aà dọ̀ọ̀mà tṍó eo é dã́tẽ́ ló kà ea di m nè bé e Kpá Káí zógè kọọ̀ bà dú kà kà naa. Pììga boo gè tú gbò moǹ bel ea válí gè dã̀ bààmà tẽ́ gbò pọ̀bkà gá ea di mm̀ o lòbèl. Bugi togó boo bé ea é láá nvèè bá nè gbò e bà gé pãané ni tṍ ló naa. Bàn Bàrì kọ á neè ni a nyómá káí.

Tú gbò moǹ bel ea zógè kọọ̀ ò agàla boo loomá bel. Ló bel bé eo ólò ló bel naa, tãa vó eo oòa boo áá gbò moǹ bel ea di mm̀ kpá. Tú gbò moǹ bel ea zógè kọọ̀ ò agàla boo bel eo gé lóá loomá.

Palàge taaá ló baatẽ́ o bel vaá ò agàla boo. Tú mon e dénè nen é dã́ loomá. Ẹ̀b sĩ́ gbò e bà gé pãané ni tṍ ló, é beè pá bọọ bálásĩ́ náa ẹb naamá pọ́lọ́ nu.