Rirongerisa nawa. Konḓonona nawa ondjivisiro ndji mo hongo, ngandu tji wa zuu nawa kutja omapu yeṋe nge ri omananḓengu nokutja Ombeibela mai raisa vi ouatjiri womapu ngo. Kondja okuhungirira komapu omananḓengu wehungi roye momambo omaṱiṱi uriri, nu momuano omupupu. Yandja ombango komuano mu maye vatere ovapuratene voye. Ningira ombepo ondjapuke ku Jehova mongumbiro.

Ungurisa omambo ngu maye raisa kutja u nongamburiro mu imbi mbi mo hongo. Moruveze rokuyarukira po omambo nge ri membo rorive, ungurisa omambo woye omuini. Ungurisa eraka ndi mari raisa kutja u nongamburiro mu imbi mbi mo hungire.

Hungira momuano mbu mau raisa ounanḓengu woviṋa mbi mo hungire nu hungira ouatjiri. Hungira neraka ewa ndi he ri kombanda tjinene nu ndi he ri kehi tjinene. Tje he ri otjiṋa otjivi okutjita, tara kovapuratene voye tji mo hungire kuna wo.