Чахсы тимнен. Библиядағы киречілестернең тузаланып, исчеткеннерні орта сағысха хайди ағыларын піліп алғанҷа материалны істес. Чооғыңдағы ӧӧн сағыстарны нинҷе-де олаңай сӧстернең чоохтан кӧр. Чооғыңның тузазынаңар сағын. Худайдаң ызых хут сурынып пазыр.

Киртістіг сӧстер таап ал тур. Пічіктегі сӧстернең чоохтанма, позыңның сӧстеріңнең чоохтан. Синің чооғыңны ізестіг итчеткен сӧстер паза фразалар таллап ал.

Ачых-чарых паза киртінерге турыстығ пол. Ікінҷілебин, тыыда чоохтан. Сірер чуртапчатхан орында чарадылчатса, исчеткеннернің харахтарынзар кӧр тур.