Рʹьнд хԝә һазьр кә. Информасийоне леколин кә ԝәки фәʹм бьки, чь нә фькьред сәрәкә у чаԝа Кʹьтеба Пироз әве йәке избат дькә. Бьхәбьтә кӧ фькьред сәрәкә йа готара хԝә, бь чәнд хәбәред һеса бьди кʹьфше. Дина хԝә бьде, кӧ ча әв йәк ԝе али гӧһдаред тә бькә. Йаһоԝарʹа дӧа бькә, кӧ рʹӧһʹе хԝәйи пьроз бьдә тә.

Хәбәред ӧса бьдә хәбате, кʹидәре кӧ те кʹьфше ԝәки тӧ ве йәкеда баԝәр и. Дәԝса кӧ хәбәра жь әʹдәбйәта бьԝәкʹьлини, ԝе баш бә бь гьлийе хԝә бежи. Ӧса хәбәр дә кӧ бе кʹьфше, ԝәки тӧ хԝәха баԝәр дьки ԝе йәке, чь кӧ дьбежи.

Бь дьлгәрми у дьл-щан фькьред хԝә бежә. Ӧса хәбәр дә, кӧ тә рʹьнд сә кьн. Һәрге мьһала ԝәда лайиԛ ә, ԝәʹде тʹема хԝә ль чʹәʹве гӧһдара бьньһерʹә.