ကတဲာ်ကတီၤပာ်စၢၤ လီၤတံၢ်လီၤဆဲး. ဘၣ်ဃးဒီးတၢ်ဂ့ၢ်တၢ်ကျိၤလၢ နကတဲတဖၣ်န့ၣ်​ ဃုသ့ၣ်ညါပာ်စၢၤလံာ်စီဆှံအဆၢ လီၤတံၢ်လီၤဆဲးတုၤလၢနနၢ်ပၢၢ် ဒ်သိးနတဲပၠးပှၤဂၤ တၢ်ဂ့ၢ်ကသ့ဂ့ၤဂ့ၤအဂီၢ်တက့ၢ်. တကးဒံးဘၣ်​ ဂုာ်ကျဲးစၢးတဲဖျါထီၣ်​ တၢ်ဂ့ၢ်မိၢ်ပှၢ် လၢတၢ်ကတိၤယိယိဖိစှၤကိာ်ထံၣ်လၢ ပှၤနၢ်ပၢၢ်ဘၣ်အီၤညီတက့ၢ်. ဒီးဆိကမိၣ်ထံလၢ တၢ်ဂ့ၢ်လၢနတဲသ့ၣ်တဖၣ်​ ကကဲဘျုးလၢ အဝဲသ့ၣ်အဂီၢ်ဒ်လဲၣ်တက့ၢ်. ဒီးဃ့ယဟိဝၤယွၤ အသးစီဆှံအတၢ်မၤစၢၤတက့ၢ်.

သူတၢ်ကတိၤ လၢအပာ်ဖျါထီၣ်တၢ်သူၣ်ဆူၣ်သးဆူၣ်. လၢနကသူတၢ်ကတိၤလၢ အိၣ်ပာ်စၢၤလၢ တၢ်ကရၢကရိလံာ်ပူၤအလီၢ် တဲအီၤလၢနနီၢ်ကစၢ်အတၢ်ကတိၤတက့ၢ်. တၢ်လၢနတဲတဖၣ်န့ၣ်​ ကဘၣ်ဖျါလၢ နသ့ၣ်ညါဒီးနၢ်ပၢၢ်တၢ်ဂ့ၢ်တၢ်ကျိၤ လီၤတံၢ်လီၤဆဲးလီၤ.

တဲလၢတၢ်တၢ်သူၣ်ဘျၢသးဘျၢ ဒီးတၢ်သူၣ်ဆူၣ်သးဆူၣ်. ဖဲနတဲတၢ်အခါ တဲသီၣ်နကလုၢ်ဖဲအကြၢးအဘၣ်တက့ၢ်. လၢနလီၢ်ကဝီၤပူၤန့ၣ်​ မ့ၢ်ကြၢးဝဲဘၣ်ဝဲလၢ နကကွၢ်ပှၤမဲာ်သၣ်န့ၣ်​ ကွၢ်အီၤတက့ၢ်.