Pekanyani icete. Wazyanimo nkaninye mpaka mwivwicisye ivisinka ivikulu nu kulola vino Baibolo yikutunjilila vyovyo ivisinka. Yelezyani ukuvilanda mu mazwi amatici swinya amapepuke. Wikani sana amano pe vino vingavwa iwumba. Swinya mwalenga kwe Leza ukumipa umuzimu wakwe.

Womvyani amazwi yano yakulanjizya ukuti musinincizizye. Landani vino vili mwi lyasi mu mazwi yinu. Vilandani munzila ya kuti wonsinye walole ukuti musinincizizye vino mukulanda.

Mwalanda ukufuma pa mwezo. Mwalandisyako, swinya pano mukulanda mwalolecesya wano mu kulandako nga cawa icetenye kuno mwikaliila.