ISIFUNDO 15
Khuluma Ngokuqiniseka
1 Thesalonika 1:5
ISIRHUNYEZO: Tjengisa ukuthi ukholelwa ngokuqinileko bona lokho okutjhoko kuliqiniso begodu kuqakathekile.
INDLELA ONGAKWENZA NGAYO:
-
Lungiselela kuhle. Funda bewuzwisise ukuthi ngimaphi amaphuzu aqakathekileko nokuthi iBhayibheli ikuveza njani ukuthi aliqiniso. Ekulumenakho, linga ukuveza amaphuzu aqakathekileko ngamezwi ambalwa. Cabanga ngendlela ikulumakho ezobasiza ngayo abakulaleleko. Thandazela ummoya ocwengileko.
-
Sebenzisa amagama adlulisela ukuqiniseka. Kunokubuyelela amezwi atlolwe phasi, sebenzisa amezwakho. Khetha amagama atjengisa ukuthi uyaqiniseka ngalokho okutjhoko.
-
Khuluma ngokuqiniseka. Khuluma ngephimbo elilingeneko. Baqale ngemehlweni abantu abakulaleleko, nangabe kuyamukeleka ukwenza njalo endaweni yangekhenu.
