Kpɛ̄naloo leere. Nɔ leere mmɛ sɔ̄ o emɔna pya kpog-bee ue a le bu le kɛ̄ Baibol yere kpotɛ̄ doo. Piiga lo ekɔ pya lo kpog-bee ue bu sīdee a waɛbah. Sere ekɛɛrɛ nyɔɔ kɛ̄ lo ue dap dɔbiī nɛ pya a le kɛ̄ doo. Yere kara bara kaɛ edɔɔ̄.

Kɔ pya ue a tɔgɛ kɔ o yiga nu o gaa kɔ. Taā o bialoo wee buū taɛ pya bee ue a le bu kpa, kɔ kɛ̄ o dābeeloo doo. Kɔ pya nu a tɔgɛ kɔ o dābeeloo lo ue nyɔɔ oloo.

Su e’agaloo kɔā ue. Su muɛ̄ a bɔloo kɔā ue. Wee ɛp sī pya o gaa kɔ ue nɛ, lo doo wo naa bee piya bui barasī lo.